Enghraifft - Ymgyrch Pobl fel Ni
Roedd yr Ymgyrch Pobl fel Ni o Medi 2007 i Ionawr 2008 yn ymgais llwyddiannus
i leisio pryderon sydd byth yn cael eu clywed ar ran holl gleifion arennol
Cymru. Cleifion sy'n ei chael hi'n anodd i fyw eu bywydau, boed ar ddialysis,
yn disgwyl am drawsblaniad, neu yn pryderu am eu gofal a gofal pobl sy'n
annwyl iddynt. Cred Sefydliad Aren Cymru y dylai lleisiau o'r fath gael
eu clywed a'u lleisio gyda pobl a all helpu.
Bu Positif Politics yn gweithio gyda Sefydliad Aren Cymru i wneud yn si?r bod y lleisiau hyn yn cael eu clywed yn glir. Fe wnaeth ein gwaith groesdorri nifer o sgiliau ac ymarferion i gefnogi'r ymgyrch Pobl Fel Ni mor llawn a phosib. Roedd hyn yn cynnwys:
- Mewnbwn i'r Adroddiad Pobl Fel Ni o ran cynnwys a naratif, fel bo'r ddogfen yn gwneud cymaint o argraff a phosib;
- Gweithio gyda Sefydliad Aren Cymru i ddod a'r gr?p cryfaf posib o bobl broffesiynol ynghyd i gefnogi'r ymgyrch;
- Ffurfio clymbleidiau gyda grwpiau eraill megis y BMA, Cymdeithas y Diwydiant Fferyllol Prydeinig, ac ystod o sefydliadau elusennol gyda diddordeb mewn hyrwyddo trawsblaniadau;
- Gweithio gydag Aelodau Cynulliad i ddadlau tros fwy o ffocws ar wasanaethau arennol ac i ddatblygu'r dadleuon tros system caniatâd tybiedig i roi organau;
- Cefnogi ystod o ddigwyddiadau cyhoeddus yn ystod yr ymgyrch;
- Gweithio i flaenoriaethu materion yn ymwneud a gwasanaethau arennol a thrawsblaniadau yn rhaglen waith y Pwyllgor Iechyd, Lles a Llywodraeth Leol; a
- Sicrhau bod deiseb Pobl Fel Ni (y ddeiseb gyntaf i Bwyllgor Deisebau'r Cynulliad ei dderbyn gan sefydliad yn hytrach nag unigolion) yn dylanwadu ar brosesau'r Cynulliad a meddylfryd y Llywodraeth.
Fe ddaeth degau o bobl i'r Cynulliad Cenedlaethol ar 20fed Medi gan gynnwys cleifion, gofalwyr, gweithwyr gofal iechyd, a gwleidyddion i nodi lansio Ymgyrch Pobl Fel Ni Sefydliad Aren Cymru. Cafodd y lansiad a nifer o straeon yngl?n ag achosion unigol ledled Cymru eu darlledu gan y BBC ac ITV ac roedd yna nifer o straeon hefyd yn y wasg brint. Addawodd y Gweinidog, Edwina Hart AC, ymateb swyddogol i'r ddogfen a mynegodd ei bod hi'n dymuno gweld ymgynghoriad cyhoeddus yngl?n a system caniatâd tybiedig. Fe wnaeth hi hyn yn y Cynulliad Cenedlaethol ar 21 Tachwedd 2007 pan groesawodd y Llywodraeth yr adroddiad Pobl Fel Ni a rhoi addewid i weithredu nifer o'r awgrymiadau.
Wrth ymateb i werth yr ymgyrch Pobl Fel Ni, dywedodd y Gweinidog Iechyd Edwina Hart AC: "(Mae Pobl Fel Ni) wedi bod yn ymgyrch hynod o gyfrifol sydd wedi ceisio amlygu gweithredoedd ymarferol y gallwn eu gwneud i wella safon bywyd cleifion sydd a phroblemau arennol... Mae Sefydliad Aren Cymru wedi gwneud gwaith rhagorol o ran dwyn sylw i'r materion hyn ym mysg y cyhoedd a gwleidyddion. Mae'n beth da bod y sector gwirfoddol yn gallu gweld yn glir ei fod wedi llwyddo i gael y Llywodraeth i edrych ar ein polisïau. Mae hwn yn ychwanegiad i'r Llywodraeth ac i waith y Cynulliad Cenedlaethol sy'n werth ei nodi."