Enghraifft - Newid Modd Llywodraethu
Mae Deddf Llywodraeth Cymru 2006 yn creu system ble gall cyfreithiau ar
gyfer Cymru gael eu creu o fewn Cymru am y tro cyntaf. Mae'n bosib hefyd
y bydd yna addewid o refferendwm ar gyfer pwerau deddfu llawn erbyn 2011,
ond dyna ble rydym ni ar hyn o bryd.
Mae Positif Politics yn rhoi pwys mawr ar y cyfleoedd ar gyfer newid go iawn y mae Deddf Llywodraeth Cymru yn ei gynnig ac rydym eisoes yn gweithio gyda partneriaid a chleientiaid i ddefnyddio'r system newydd yn effeithiol. Rydym hefyd yn cydweithio gydag eraill o fewn cymdeithas ddinesig Cymru i hyrwyddo'r system ddeddfu newydd a'r cyfle i weithredu newid ddaw yn ei sgil.
Un enghraifft o'r math yma o gydweithio oedd y cyflwyniad "Creu Deddfau Newydd i Gymru - Deddfwriaeth Wedi Deddf Llywodraeth Cymru 2006" gan Huw Williams, Partner a Phennaeth Cyfraith Gyhoeddus gyda chwmni cyfreithiol Geldards LLP i symposiwm ar y cyd rhwng Geldards a Positif Politics a gynhaliwyd ar 25 Mai 2007. Mae'r cyflwyniad hefyd yn darparu canllaw ardderchog i'r system ddeddfu newydd.